[#豬妹上身日記] 今日同麥仔又企左喺地鐵傾計
我係咁係到講野既時候，佢無啦啦望住我手臂
然後就開始係到幫我捲番靚個手袖......
我地繼續傾計佢就好用心係到捲，希望捲到兩邊平衡
然後我諗起我都好鍾意無啦啦幫佢捲番靚個手袖
跟手仲要加句：您都唔識捲既捲到咁樣衰～
今日突然發覺呢件小事我好喜歡
好溫暖呀，我即刻諗到個畫面..
電視通常都係朝早既時候，娘子係到煮早餐
相公換衫趕住番工，然後阿娘子見到相公個袖未整好
就走去溫柔地幫相公捲番個袖 微笑說：「您真係唔小心」
嘩老套到打冷震～（所以要用娘子相公來稱呼）
但其實好正咖，您係咁講野或者做其他野既時候
有人溫柔地幫您用心捲衫袖～～～～～～
疏，我今晚講啲野太少女情懷豬妹FF MODE.
唔符合我本人性格設定添，我會馬上關掉呢個粉紅機制。
Search